NACIÓNS CELTAS - Bolsa de tea

Mérgullate na tradición e na cultura celta coa nosa bolsa de tea estilo totebag, estampada co deseño orixinal "Nacións Celtas". Este deseño exclusivo de Lóstrego mostra un mapa onde se destacan as oito nacións celtas recoñecidas: Galicia, Asturias, Bretaña, Cornualles, Gales, Escocia, Irlanda e a Illa de Man. Ademais, engadimos o Norte de Portugal e Cantabria como nacións convidadas, porque na festa celta sempre hai sitio para máis. Cada rexión está representada con símbolos propios que celebran a súa identidade e historia.

Características destacadas:

• Deseño auténtico: A ilustración do mapa destaca a conexión e a unidade das nacións celtas, con símbolos e emblemas que representan a súa esencia.
• Material de primeira calidade: Confeccionada en 100% algodón, resistente e cómoda, perfecta para acompañarte no teu día a día.
• Asas longas (~70 cm): Para que a leves ao ombreiro con estilo e sen quedar atrapado como nun corro de muiñeira.
• Impresión duradeira: Cores vivas e detalles nítidos que resisten tantas aventuras como un bardo celta.

Por que escoller a bolsa "Nacións Celtas"?

Porque é perfecta para quen sente un vínculo especial coa cultura celta e quere levar a súa identidade sempre á vista. Ideal para festivais, feiras medievais ou para ir ao mercado, facendo que ata as patacas do país viaxen con orgullo celta.

Recomendacións de uso:

• Combínaa con: Vaqueiros, vestido folk, ou mesmo co teu mellor kilt se queres dar un golpe de efecto.
• Ocasións: Eventos culturais, xuntanzas familiares, saídas de compra ou simplemente para o día a día cun toque de historia.

Coidado da bolsa:

• Lavado: A man ou a máquina a 30-40º, preferiblemente do revés para protexer o deseño. Sen lixivia, que non é moi celta.
• Secado: Ao aire libre, como secaban a roupa os druidas (ou as avoas).
• Plancha: Se é necesario, a temperatura media, evitando a zona do estampado.

Non perdas a oportunidade de engadir esta bolsa única á túa colección ou de regalarlle a alguén que valore a cultura celta e todo o que representa.

Produtos relacionados:

• Caderno "Nacións Celtas"
• Bolsa "Nacións Celtas"
• Camisola "Nacións Celtas"

FAQs (Fai Ahí Que Sabes…)

• Podo levala a un festival celta sen que me miren raro?
  Claro! Se non levas algo así, corres o risco de que alguén che pregunte se viñeches por erro.
• É obrigatorio levar un kilt para usala?
  Non, pero se te atreves, que saibas que todos van querer unha foto contigo.
• Vale para ensinar xeografía celta aos amigos?
  Si, e se alguén non sabe onde está a Illa de Man, sempre podes sinalar o mapa e dar unha clase exprés.