SUPER MARTES - Camiseta de manga curta unisex - Negra

Iron Maiden? Si. Super Martes? Tamén! Se medraches en Galicia nos 90, había dúas cousas que podías atopar na televisión: o Xabarín Club e o Super Martes. Para os que non se lembran (ou non tiveron a sorte de velo), era un concurso da TVG onde se buscaba talento... ou a falta del. E cando alguén desafinaba ou se descoordinaba, entraba en acción Atilano, o esqueleto da trompeta, con máis poder de destrución ca un solo de guitarra de Eddie Van Halen.

Inspirada na mítica portada do disco Killers de Iron Maiden, esta camiseta é perfecta para os que saben que en Galicia temos espectáculo, temos música... e tamén temos o mellor humor da televisión.

CARACTERÍSTICAS DESTACADAS:

• Deseño orixinal: A estética clásica do metal cunha referencia a Super Martes, porque na TVG tamén había auténtico headbanging.
• Material de calidade: 100% algodón, suave, cómodo e apto para aguantar toda unha noite de rock ou de tele nostalxia.
• Versatilidade: Camiseta unisex dispoñible en tallas S, M, L, XL e XXL. Se precisas outra talla, avísanos!
• Impresión duradeira: Estampado de alta calidade para que Atilano siga soprando a súa trompeta desafinada durante moitos anos.

POR QUE ESCOLLER A CAMISETA "Super Martes"?

Porque se non viviches Super Martes, non coñeces a televisión de calidade. Se es deses que goza igual cun bo disco de Iron Maiden coma cun vídeo dos mellores momentos da TVG, esta camiseta está feita para ti. Apta para rockeiros e nostálxicos da televisión autonómica!

RECOMENDACIÓNS DE USO:

• Combínaa con: Unha chaqueta de coiro, unhas gafas de sol ou directamente cunha trompeta (pero mellor que soe ben).
• Ocacións: Perfecta para festivais, concertos ou para sentar a ver os vídeos de Super Martes cos amigos.

COIDADO DA PRENDA:

• Lavado: A máquina a un máximo de 40ºC, sempre do revés para protexer o estampado. Sen lixivia nin branqueador, que iso non é rockeiro.
• Secado: Ao aire libre. Como facían as nosas avoas, nada de secadora.
• Pasado a ferro: Se fai falta, a temperatura media (150ºC) e evitando o estampado, que Atilano ten que seguir ben definido.

Non deixes que esta camiseta se esgote! Se es fan do metal e da televisión de culto, esta é a prenda definitiva para ti. Bótalle un ollo ao resto das nosas camisetas frikis!

FAQs (Fai Ahí Que sabes...)

Se a levo posta, convértome en concursante de Super Martes?

Non exactamente, pero se desafinas moito cantando, igual aparece Atilano para darche un aviso.

Pódese levar a un concerto de Iron Maiden ou mellor reservo para a TVG?

Levar a Atilano a un concerto de Maiden é un movemento atrevido. Nós recomendámosche gardala para unha ocasión aínda máis especial, como o programa de Fin de Ano do Luar, nunca se sabe cando vas acabar de público.