PEREGRIN TUK - Camiseta de manga curta Unisex - Gris Pedra

Non todos os camiños levan a Mordor. Algúns levan a Santiago.

A camiseta "Peregrin Tuk" imaxina unha realidade alternativa na que Pippin, o entrañable hobbit de O Señor dos Aneis, cambia as aventuras da Terra Media polas etapas do Camiño de Santiago. Cos seus pés descalzos, a mochila cargada de provisións e as inevitables cunchas de peregrino, o noso pequeno viaxeiro prepárase para percorrer Galicia na procura de algo moito máis importante ca un anel: unha boa ración de polbo e un selo máis na credencial.

Unha camisola perfecta para amantes de Tolkien, camiñantes, peregrinos, frikis e calquera persoa que pensase algunha vez que os hobbits estarían moito máis cómodos nun furancho galego ca nunha batalla contra orcos.

Características destacadas

• Deseño orixinal inspirado no universo de Tolkien.
• Ilustración exclusiva dun hobbit convertido en peregrino.
• Humor friki con sabor galego.
• Perfecta para facer o Camiño, presumir de frikismo ou ambas cousas á vez.
• Deseñada por Lóstrego con altas doses de imaxinación e retranca.

FAQs (Fai Ahí Que Sabes...)

Hai que ler a Tolkien para entendela?
Non, pero se o fixeches, a gargallada será moito maior.

Serve para facer o Camiño de Santiago?
Claro. Non evita as bochas nos pés, pero si axuda a facer amigos.

É apta para hobbits?
Por suposto. Especialmente para os afeccionados ao segundo almorzo.

Podo levala a un evento friki?
Si, e seguramente acabarás explicando o chiste máis dunha vez.