FODECHINCHO - Camiseta de manga corta Unisex - Branco

Comen o peixe. Aquí queda a espiña.

A camiseta Fodechincho nace como unha pequena pulla a esa idea de que máis turismo significa sempre máis riqueza. Porque cando chegan milleiros, soben os prezos, satúranse os lugares e boa parte do beneficio marcha por onde veu, igual toca preguntarse canto queda realmente aquí.

O deseño resúmeo cunha imaxe ben sinxela: unha espiña de peixe. Pouco máis fai falta.

Unha camiseta galega con humor, retranca e crítica ao turismo masivo, pensada para quen cre que recibir está moi ben, pero vivir aquí tamén debería seguir sendo posible.

Características destacadas

• Deseño exclusivo de Lóstrego.

• Dispoñible en azul e branco.

• Ilustración dunha espiña de peixe co lema Fodechincho.

• Humor e retranca arredor do turismo masivo en Galicia.

• Para quen prefire unha camiseta que diga algo sen botar un discurso.

FAQs (Fai Aí Que Sabes...)

É unha camiseta contra os turistas?
Non. O problema non é quen vén, senón un modelo no que uns levan o peixe e a outros tócalles a espiña.

Que significa Fodechincho?
Digamos que non é precisamente unha invitación a repetir sobremesa.

A espiña ten dobre sentido?
Antes tiña peixe. Con iso xa dicimos bastante.